1209) దేవా నాయందు నీకు ఎంతో ప్రేమా

** TELUGU LYRICS **

   దేవా నాయందు నీకు - ఎంతో ప్రేమా
   నీ దివ్య ప్రేమ నాలో - ఉప్పొంగెను
   హల్లెలూయ ... (4)

1. దిన దినము నీదు ప్రేమ - రుచిచూచుచున్నాను
   దయగల జీవాహారముతో - పోషించుచున్నావు
   దేవా! నీ జీవ జలము - నాకిచ్చితివే
   నీ దివ్య ప్రేమ నాలో - ఉప్పొంగెను

2. నా పాదములను నీవు - బండపై నిలిపితివి
   నా యడుగుల నెల్ల నీవు - స్థిరపరచిన దేవుడవు
   దేవా! నా కాశ్రయుడవు - నీవే కదా
   నీ దివ్య ప్రేమ నాలో - ఉప్పొంగెను

3. సిలువలో నీ రక్తము కార్చి - నన్ను రక్షించితివి
   సార్వత్రిక సంఘములోన - నన్నైక్య పరచితివి
   దేవా నీ దయ నా యెడల - అత్యున్నతము
   నీ దివ్య ప్రేమ నాలో - ఉప్పొంగెను

4. వాగ్దానములను నాలో - నెరవేర్చిన ఓ ప్రభువా
   విదువక నా యెడల నీదు - కృప జూపుచున్నావు
   దేవా! నీ మారని ప్రేమ - సంపూర్ణము
   నీ దివ్య ప్రేమ నాలో - ఉప్పొంగెను

5. మృతిని గెల్చి మాకొరకై - తిరిగి లేచిన ప్రభువా
   మా కొరకై త్వరలో రానై - యున్న మహిమ రాజా
   దేవా! నీ సన్నిధి నాకు - ఎంతో ప్రియము
   నీ దివ్య ప్రేమ నాలో - ఉప్పొంగెను

** ENGLISH LYRICS **

Deva Naayandhu Neeku - Entho Premaa