2361) మనోవిలసితంబౌ దినంబు మహిమాన్వితంబు

** TELUGU LYRICS **

    మనోవిలసితంబౌ దినంబు మహిమాన్వితంబు అనంతజగతీమనోహ
    రంబు ఘనాదిప్రభుయశః ప్రకాశంబు 

    ||మనో||

1.  మందమారుతములందము నొసగగ డెందములకు నానందము నిడగా
    సుందర పక్షుల సుమధురగానము సుఖావహంబై శోభించెనుగా 

    ||మనో||

2.  అరుణభాస్కరుని కిరణాకరము ధరదిక్తటముల దరిజేరెనుగా ధరా
    వలయమాఖర భానునిచే ధగద్ధగీయంబై వెల్గెనుగా 

    ||మనో||

3.  పులుగిల కిలకిల కలరవములతో పొందుగ గలసిన భూరి రవంబు
    లలితమనోహరశ్రావ్యమ వినుమా తలపన్ దానికి కారణమేమో 

    ||మనో||

4.  రయమున నొలీవ నగంబుగనుమా రభసయుక్తమగు జనమును గనుమా
    జయంజయంబను జయ ధ్యానంబులు వియదంతము జనమ్రోగుట వినుమా
    ||మనో||

5.  ప్రసన్నవదనుడు భానుతేజుడు అసంఖ్యజనగణ పరివృతబలుడు
    ప్రసితరాసభాసీనుడు యేసుడు అసమ శాంతితో నరుదెంచెనహో 

    ||మనో||

6.  జయములు బాడెడు బాల చయముతో సాత్వికుడై రాసభంబు నెక్కి
    జయోత్సవంబుతో సర్వేశ్వరుడు చనిహృదయము సమర్పించె దము 

    ||మనో||

-------------------------------------------------------------------

CREDITS : 

Youtube Link : 

-------------------------------------------------------------------