961) జడియకుము నే నే యున్నానని కడు నెనరు

** TELUGU LYRICS **

    జడియకుము నే నే యున్నానని కడు నెనరు వాక్కిచ్చిన యేసుని
    యడుగుజాడలు వెంబడించి నడుచుకొనరాదా జీవా యిడుమ లధికము
    గలిగిన ప్రభుని కడకుఁ జేరరాదా 

    ||జడియకుము||

1.  ఇప్పుడు నిను బాధపరచెడి ముప్పులం దలపోసి తప్పక గొప్ప ప్రేమార్థంపు
    శిక్షకు నొప్పియుండరాదా నీ తప్పులన్ విడి ప్రభువు నందు మెప్పు
    బొందరాదా

    ||జడియకుము||

2.  ఘనము ధనము సౌఖ్యంబు బోయి వ్యసనము శోధన మున్న యోబు
    మనసు దృఢము చేసి ప్రభుని మహిమ పరపలేదా నీ మనసు
    దృఢంబటుల జేసి మహిమ పరపరాదా

    ||జడియకుము||

3.  బీద లాజరుండు భువిని బాధ నొందిన సాదృశ్యంపు బోధన నీ
    మానసమున పాదుకొనలేదా యతఁ డాదరింపఁబడిన విధము
    మోద మియ్యలేదా

    ||జడియకుము||

4.  మున్ను సైఫనును రాళ్లతోఁ గొట్టు చున్న పగతుర కొరకు దేవుని మిన్ను
    వైపునఁ జూచి యోర్చి మన్న నడుగలేదా నీ కున్న శ్రమలటు లోర్చఁ
    బ్రభువు తెన్నుఁ జూపలేడా

    ||జడియకుము||

5.  భక్త జనులను ఖైదుకు నీడ్చి బాధలు గావించినప్పుడు శక్తి హీనుల
    మంచు యేసుని శక్తి నమ్మలేదా యా యుక్తసహాయము దొరకువరకా
    సక్తి నుండలేదా

    ||జడియకుము||

-------------------------------------------------------------------

CREDITS : 

Youtube Link : 

-------------------------------------------------------------------