306) ఇశ్రాయేలీయుల దేవుండే యెంతో స్తుతి నొందును గాక

** TELUGU LYRICS **

    ఇశ్రాయేలీయుల దేవుండే యెంతో స్తుతి నొందును గాక యాశ్రితువౌ
    తన జనులకు దర్శన మాత్మ విమోచన కలిగించె 

    ||ఇశ్రా||

1.  తన దాసుఁడు దావీదు గృహంబున ఘన రక్షణ శృంగము నిచ్చె మన
    శత్రువు లగు ద్వేషులనుండియు మనలన్ బాపి రక్షణ నిచ్చె

    ||ఇశ్రా||

2.  దీనిని గూర్చి ప్రవక్తల నోట దేవుఁడు పలికించెను దొల్లి మానవ మన
    పితరులఁ గరుణింపఁగ మహిలోన నిబంధనఁ జేసె

    ||ఇశ్రా||

3.  జనకుం దగు నబ్రాహాముతోఁ జేసిన యా ప్రమాణముఁ దలఁచి
    మనము విరోధులనుండి విమోచన గని నిర్భయులమై మెలఁగ

    ||ఇశ్రా||

4.  ఆయన సన్నిధానమునందు నతి శుద్ధిగ నీతిగ నుండఁ పాయక తన
    సేవను నిత్యంబును జేయఁగ నీ రక్షణ నిచ్చె

    ||ఇశ్రా||

5.  ధర నో శిశువా దేవుని దీర్ఘ దర్శి వనెడు పేరొందెదవు పరమేశ్వరుని
    వాత్సల్యతతోఁ పాపవిముక్తిఁ బ్రజ లొంద

    ||ఇశ్రా||

6.  మానుగ రక్షణ జ్ఞాన మొసంగఁగ మార్గము సిద్ధపరచుటకై దీన
    మనస్సుతోఁ బ్రభునకు ముందు గా నడిచెదవు భయభక్తి

    ||ఇశ్రా||

7.  మరియును సమాధాన సరణిలో మన మీఁక నడువఁ జీఁకటిలో
    మరణచ్ఛాయలో నుండిన వారికి నరుణోదయ దర్శన మిచ్చె

    ||ఇశ్రా||

8.  జనక పుత్రాత్మ దేవుని కిలలో ఘనత మహిమ కల్గును గాక మును
    పిపు డెప్పుడు తనరి నట్లు యుగ ములకును దనరారునుగా కామేన్

    ||ఇశ్రా||

-------------------------------------------------------------------

CREDITS : 

Youtube Link : 

-------------------------------------------------------------------