423) ఎటుల నీకు స్తుతు లొనర్తుము

** TELUGU LYRICS **

    ఎటుల నీకు స్తుతు లొనర్తుము యెహోవ తనయ యెటుల నీకుఁ
    నుతు లొనర్తుము పటుతర పాపంబులనెడి పంకమందుఁజిక్కి మదిని
    దిటముఁ జెడిన మమ్ముఁ బ్రోచి దిక్కుఁజూపినట్టి యేసూ 

    ||ఎటుల||

1. పాపకూపమందు నుండగాఁ బాపావిమోచ దాపుఁజేర్చి కాపుఁ
    జూపితి శాపగ్రస్తులైన మా శాపము విముక్తిఁజేయ నీ పవిత్ర రక్తమే
    నా ప్రాపుగా నొసంగితివి

    ||ఎటుల||

2.  భార భరితమైన యాత్మల భారమున దీసి భూరి సౌఖ్యములతో
    నింపను భారకుండ ఘోరమైన శ్రమలనొంది మరణమొంది తిరిగిలేచి
    నీవు ధాత్రి మహిమ నొందినట్టి దేవా

    ||ఎటుల||

3.  నీతిహీనులమై యుండఁగా నో కర్త మాదు బీతులన్నిఁబాపి నీ కృపన్
    నీతి రక్షణవస్త్రములను భాతిగ ధరింపజేసి భూతలంబునందు నిన్ను
    ఖ్యాతిగ సేవింపఁజేసితి

    ||ఎటుల||

4.  నిన్నుఁజేరి నిర్చలుండనై యీ భూమియందు నిన్నుఁ బోలి
    నడుచుకొనుటకై తిన్నని మార్గమును జూపి అన్ని కీడులను జయింపఁ
    బన్నుఁగ విమలాత్మశక్తి నున్నతముఁగ నిడిన యేసూ

    ||ఎటుల||

5.  పరమ రాజ్యమందు నిరతము నీతోడనుండఁ కరుణతోడ నెంచుకొంటివి
    తిరిగి వచ్చి మమ్మును మీ చిరప్రకాశ పురమునందుఁ త్వరగఁ
    జేర్చియందు సుఖము దిరముగా నొసంగుదేవ

    ||ఎటుల||

-------------------------------------------------------------------

CREDITS : 

Youtube Link : 

-------------------------------------------------------------------