1179) దేవ దీనపాపిని ఓ పావన గావు కృపా

** TELUGU LYRICS ** 

    దేవ! దీనపాపిని ఓ పావన గావు కృపా బహుళ్యము చేత 
    ||దేవా||

1.  ఖలుడనో దేవా! నా నిలువెల్ల పాపంబె మలినత్వమును బాపి మాన్యు
    జేయవె తండ్రీ!
    ||దేవా||

2.  నీకు కేవలంబు నీకే విరోధముగ ప్రాకొని నే ఘోర పాపం బొనర్చితిని
    ||దేవా||

3.  నాయతిక్రమ మెప్డు నా యెదుట నున్నది నా యెదను భారంబై నను
    ద్రుంచుచున్నది
    ||దేవా||

4.  పాపంబులోనే యు ద్భవించినాడను పాపంబులోనే గ ర్భము దాల్చినది
    తల్లి
    ||దేవా||

5.  ఎదయందు సత్యంబే యెడఁగోరు చుందువు హృదయమందున జ్ఞాన
    మొదవ జేతువు నాకు
    ||దేవా||

6.  కలిగించు నాలో ని ర్మల శుద్ధ హృదయంబు నిలుకడైన మనసు
    నిలుపు మాంతర్యమున
    ||దేవా||

7.  త్రోసివేయకు నన్ను నీ సన్నిధి నుండి తీసివేయక నుంచు మీ
    శుద్ధాత్మను నాలో
    ||దేవా||

8.  నీ రక్షణానంద మో రక్షకా మరల చేరదీసి యిచ్చి స్థిరపరచు నా
    మనసు
    ||దేవా||

9.  కావవే కర్తార క్తాపరాధమునుండి కావు నే నుత్సాహ గానంబుఁ
    జేసెద
    ||దేవా||

10. ప్రభువ! నా నోరునిన్ ప్రస్తుతించుచు సదా విభవముగఁ గొనియాడ
    విప్పు నా పెదవులను
    ||దేవా||

11. కోరువాఁడవు కావీ వారయ నర్పణలు కోరిన నర్పింతు కోటి బలులు
    నీకు
    ||దేవా||

12. విఱిగిన మనసే నీ విలసిత యర్పణము అరయ నలిగిన హృదయ
    మతి ప్రియంబౌ నీకు
    ||దేవా||

-------------------------------------------------------------------
CREDITS : 
Youtube Link : 
-------------------------------------------------------------------