1906) పరమ ప్రభో యేసురక్షకా ధననరుల బ్రోచి

** TELUGU LYRICS **

    పరమ ప్రభో యేసురక్షకా ధననరుల బ్రోచి పరమ కారోహణంబైతివా
    మరియయందు జననమొంది వరము లిడుచు దిరిగిధరను మరణమొంది
    తిరిగిలేచి పరము కేగితివా ప్రభో 

    ||పరమ||

1.  ఘోర పాపభారముతోడ దరిగానలేకఁ దిరుగుచుండినట్టి మమ్మును
    కూరిమితోఁ దరికిఁబిలిచి భారమును నీవేమోసి ఊరకమము క్షమియించి
    నేరములను బాపిన ప్రభో

    ||పరమ||

2.  సిలువమరణమొందినఁ ప్రభువా ఇలనరుల ఘోర కలుషములను బాపిన
    ప్రభువా విలువలేని నీదు బ్రతుకు బలముగల నీ ప్రేమ సేవ సలితముగ
    ననుకరించి ఇలను మేము బ్రతుకునట్లు

    ||పరమ||

3.  చెఱను చెఱగఁబట్టిన ప్రభువా ధనరులకెల్ల వరములను విరివి నిడితివా
    పరముకేగి పరమతండ్రి పరమున కుడిపార్శ్వమందుఁ దిరముగాఁ
    గూర్చుండి యుండి తిరిగి ధరకు వచ్చెదవా

    ||పరమ||

4.  నీదు రాక కెదురుజూచెడి నీ దాసులను సదయతతో జూడుమో ప్రభో
    మాదినపు ప్రార్థనలను మాదు స్తోత్రములను మిగులఁ బ్రోదిగా గైకొనుచు
    నేడు బ్రోవుమయ్య మమ్ములను

    ||పరమ||

5.  పంపుమయ్య నీదు ఆత్మను పదిలముగ దయతో సొంపుగ నీ శుద్ధాత్మను
    నింపుమయ్య నీదు కృపతో ఇంపగు నీవరములతో సొంపు గాను నీదు
    సేవ జేయనిలను నెల్లపుడు

    ||పరమ||

-------------------------------------------------------------------

CREDITS : 

Youtube Link : 

-------------------------------------------------------------------