2078) ప్రభూ నీ వాడను నీవు నా ప్రభుడవని

** TELUGU LYRICS **

    ప్రభూ నీ వాడను నీవు నా ప్రభుడవని నీ కొరకై జీవింతును
    మిగిలిన జీవితమును నీ కొరకే గడిపెదను

1.  ప్రభువా యెరిగితిని లోకమంత మోసమని
    చూపితివి సమాధాన నిరీక్షణ నా కిలలో
    కృతజ్ఞత కలిగి (2) - 
    నీవైపే చూచెదను
    నీయందే నిలిచి యుండి నీయాజ్ఞల పాలింతును

2.  నా ముందు నడిచే ప్రభూ నిన్ను వెంబడించెదను
    నీవు నా తోడనుండ మరచెదను దుఃఖమును
    నెమ్మదిని పొంది యిల (2) 

    కన్నీరు - కార్చనిక
    నీవే నా సర్వమని నీయందే బలపడెద

3.  యేసుని సిలువజూచి విజయమును పొందెదను
    సహింతును సంతసముగ నీ కొరకు అన్నింటిని
    నిన్ను నే నమ్మెదను (2) - 
    నీతోనే సాగెదను
    నీ రెక్కలచాటు నేనుండ భయపడను

4.  మరణనది యొద్దకు సంతసముగ వచ్చెదను
    మృత్యువు బారినుండి జీవమునకు దాటింతువు
    రక్షకుని చూఛెదను (2) - 
    నన్నాయన చేర్చుకొనున్
    తక్షణమే తన రూపమునకు మార్పుచెందెదను

5.  అగమ్య జ్యోతియందు ఘనముగ నే ప్రవేశించి
    దూతలు, పరిశుద్ధులు, భక్తులనే చూచెదను
    నే సంతసించెదను (2) - 
    ప్రభువుతోడ నుండెదను
    నిరీక్షణ యిదియే ఆయనతో నేనుందును

-------------------------------------------------------------------

CREDITS : 

Youtube Link : 

-------------------------------------------------------------------