146) ఆదరింపుము యేసువా నిన్నాశ్రయించితి

** TELUGU LYRICS **

    ఆదరింపుము యేసువా నిన్నాశ్రయించితి 
    నా కికన్ లేదు వేరొక
    యాశ్రయంబని లెస్సగా మది నమ్మితిన్ 
    ||ఆద||

1.  నిరతముండెడు పరమ ధనమను నీతి జీవిత రీతిలో పెరుగ గోరుచు
    నిన్ను జేరితి ప్రేమ జూపుము యేసువా
    ||ఆద||

2.  సత్య సంధుడ లోక బాంధవ సర్వశాంతి సుధాకర నిత్యజీవ జలంబు
    లొసగుము నీతి నిధుల సజీవుడా
    ||ఆద||

3.  ముందు వెనుకను దుష్ట శక్తుల మూక నన్నరి కట్టగన్ బంధితుండనైతి
    నా ప ద్బాంధవ విడిపించుమా
    ||ఆద||

4.  పరమ పురమున కరుగ నేరని పాలసుడనో రక్షకా కరుణతో నా
    మొరను గైకొని కలుషముల నెడబాపవే
    ||ఆద||

5. పరమ ధాముడ వని యెరిగి నీ శరణు వేడితి నో ప్రభో తనువు
విడిచిన వేళలో నీ తలుపు నాకై తెరువు మా
    ||ఆద||

-------------------------------------------------------------------
CREDITS : 
Youtube Link : 
-------------------------------------------------------------------